الله يسهله
إوعى يا قلبي تميله
خليك يا طير ف الهوا طاير على كيفك
شرق وغرب ولاعبني على كيفك
والصبر طيب
وحبيب القلب واد صابر وعلى كيفك
لما يقولولي تعب م اللف والترحال
كل اللي سابك عشانهم خلوا حاله حال
هتلاقي عندي الدوا اللي على كيفك
الله يسهله
إوعى يا قلبي تميله
أنا أدوس واعدي
ولو هو قدي
أشوفه هيعمل ايه
بكرة الشوق يجيبه
ويعرف مين حبيبه
مين اللي يخاف عليه
وكتر ألف خيره
معرفش جرحني ليه
ولا أروح ولا آجي
أنا براحتي ومزاجي
والصبر يا عيني عليه
عديتله مرة
مرتين
وسامحته مرة
مرتين
إكمني طيب
حبتين
يجرح واطيب
حبتين
لو أي حد تاني ف مكاني كان يعمل ايه
خليتها عليا
حبتين
زاد ف القسية
حبتين
كل أما أسامح
حبتين
بيبقى جارح
حبتين
17 comments:
طب هو انا مش فاهمه ايه ده
ممكن تعرفني يا وليد باشا
هو ايه ده؟؟؟؟؟
تستاهل
و في وراية أخرى بالهنا و الشفا
رضوى .. ولا أنا
متاخديش ف بالك
فيس بيبتسم بسرتنة
محمد مصطفى
هناك الله يا رجل
مساء الورد يا يا عم وليد
انتى سبقتنى بالبوست ده
بس على فكره الأغنية حلوه دى الأغنية الوحيده اللى غناها مصطفى كامل تنفع تتسمع
وبطلوا حقد فنى على الفنانين العظماء بقى
هوا أنا مش عارفة ليه ضحكت
بس من أميمة لـ كامل
طب حتى اقفل الأغنية رحمةً بالبنية
يلا
بس فعلا عنده حق
الله يسهله
إوعى يا قلبي تميله
شكرا على بسمة كنت محتاجاها
معذور انت المرة دى
خلى بالك من ودانك كويس
انت بقيت كويس دلوقتى؟
أحسن يعنى؟
مصطفى
الأغنية فعلا .. فعلا .. وشهادة حق لا أخشى فيها لومة متذوقي الفن الراقي
حلوة
اللحن بتاعها غريب .. بيمزج حالة الفرح والحزن ف لحظة واحده كانهم كل واحد خلفية للتاني
سعيد لاتفاقنا
انت أول حد بعد حسن أمين يشوف ف الأغنية نفس اللي شايفه
نهى .. أولا سعيد بمرورك جدا
العفو يا فندم
بس هو سؤال غبي حبتين .. قولي تلاتة
هو مين أميمة دي؟
عين
الحمد لله
طب يا استاذ وليد
حلوة استاذ دي
مادام ما الاغنية عاجباك قوى كده ما تسمعهالنا بقى
يمكن....!!!
هو انا دخلت هنا ليه؟؟؟؟
اه
لاء
مش فاكره
سلام
متوفرة يا بنتي ف كل التاكسيات والميكروباصات والتكاتك
دانتي حتى ممكن لو نزلتي من ميكروباص وهي شغالة ومكملتيهاش ممكن تكمليها ف الميكروباص اللي بعده
عديتله مرة مرتين وسامحته مرة مرتين إكمني طيب حبتين يجرح واطيب حبتين لو أي حد تاني ف مكاني كان يعمل ايه خليتها عليا حبتين زاد ف القسية حبتين كل أما أسامح حبتين بيبقى جارح حبتين
دا حسن تقسيم يا مولانا ..
مش أحسن من : وأشوف دموعكم .. مالية عيونكم . لو هموت علشان ابيعكم . اموت وابيعكم .. شوف قلة الأصل
غدار يا زمن طبال .
بس على فكرة هي أغنية حلوة .. شوية يعني ..
ورمضان كريم ..
عدوي .. وربنا سعيد كل ما حد يتفق معايا ف الرأي عن الأغنية دي
أصلي كاره جدا اليومين دول تصدير الأحكام وتعميمها ..وتطبيق قاعدة ما هبط بعضه هبط كله..
هو انا مش فاهم بس ليه بنفترض الهبوط في الاغنية دي
اناشايف انها عظيمة بجد
وليه بيتم الاعتذار للفن الراقي، ويعني ايه فن راقي اصلا؟
نائل .. ليهات كتيرة وكل واحدة منهم حوار لوحدها .. بس واحدة واحدة ممكن تيجي .. المهم منخضهاش
ليه بنفترض الهبوط في الاغنية دي
اناشايف انها عظيمة بجد
مش بفترض فيها هبوط .. بس أكيد لامح إن الأسياد اللي نصبوانفسهم كهنة الفن الراقي وحماته وواضعي معاييره وملامحه شايفين إن الأغنية دي هابطة ... لحنا وكلماتا وأداءا
بالنسبالي بقى وعن رأيي المتواضع جدا ف أنا شايفها أغنية حلوة ومتعوب فيها
أما بقى عن
ليه بيتم الاعتذار للفن الراقي
فلاإنه بقى خنقة وديما لابس كرافتة ومنشي اللياقة وقاعد ف برج مقفول ومش عاجبة العيشة واللي عايشينها .. عايزله شوية تراب كده يترشوا على بدلته البيضا .. وشوية عرق يوسخوا لياقة القميص المنشي .. وشوية مرمطة ف الشوارع
يعني ايه فن راقي اصلا؟
أنا باعتبر ان اجابة السؤال ده هو قمة الذاتية .. ما تستسيغه ويرضى عنه ذوقك وتستمتع به حواسك بالفعل ... فن راقي .. وارمي أي رأي تاني ف أقرب صفيحة زبالة
حبيب قلبي ..آآآآآآآآآآسف على التأخير المتعلق أو التعليق المتأخر .
الأغنية بجد بجد فيها حاااااااااالة .
زي ما اتفقنا قبل كده يوم فرح محمد طلبة لما ..هه ..فاكر ؟
حالة التناغم والتماس غير المُنكر بين الحزن والإعياء والفرح الصاخب والمعافرة .
بين بحة الصوت بالدمع وبحته بالقهقهة .
بيني وبينك ابتسمت من جملتك الساخرة : مع الاعتذار للفن الراقي .
بس اللي اندهشت له ان فيه ناس افتكرتك بتتكلم جد .
فن راقي مين يا با الحاج اللي هنعتذر له ؟ ..طب ..للي ما يعرفوش ان بيكاسو كان محسوب شعبي جدا ..في زمنه يعني .. وكان بيبيع لوحاته عشان تتعلق في الخمارات ومطاعم البلاد اللي زارها ..بس عشان يسترزق .
شوف الرُقي !
الرقي مالوش معايير في وجهة نظري سوى مدى إحساسي باللي قدامي ..حسيته كان بها ..ما حسيتوش ..يبقى ..راقي (هههه) أرقى من مستوى إحساسي ..ولا مؤاخذة .
وكل سنة وانت طيب وأطيب يا صاحبي ..
وحشتني أوي يا جدع .
Post a Comment