يا صياد الطيور يا خال
صباعك ع الزناد الموت
أنا عصفور ضعيف الحال
ولا أكفيش لعيالك قوت
أنا العصفور وليف الخضرة والمية
أنا المولود على كفوف الجناينية
باقول تغريد نغمها شديد
قريب وبعيد على السامعين
ياخدني الشوق على جناحه ويبقى وحيد
يا صياد الطيور يا خال
لاعود تاني
لانا حيران ولا فرحان ولا محزون
ولا باشبع غنا والحان
ولا بحكي مع النسمة
ولا بشكي من القسمة
ولما الدنيا تبكيني
اقول دي مسيرها مبتسمة
اديني سنين
على دا الحال
باقاسي المر والبطال
يا صياد الطيور يا خال
باشوف الصقر فارد ف الهوا باعه
واتباعه نشرهم ف الفضا جاعوا
طيور تانيين
صغار مساكين
جواعى لكن لاهم نايمين ولا صاحيين
عشان نابه واخلابه
باشوف الكل احبابه
ودنيا تخاف من القوة
وجو الدنيا مش هو
اشوف بلبل غريب ف الدوح
بيرقص رقصة المدبوح
ف هزة ريح
سقط عشه وفين هيروح؟
يا صياد الطيور حافظ على الخرطوش
دا ميت عصفور كمان قدي ميستاهلوش
حداك الصقر لو تضرب على وكره
تلاقي لحم متكوم ولا بياكلوش
طاوعني ارميها من ايدك
طاوع وارجع
هزيل لحمي لا هيفيدك ولا ينفع
أغنية لجورج وسوف
من قصيدة
لأحمد فؤاد نجم
4 comments:
الله عليك يا وليد
ايه الاغنيه الحلوه دي
حاله من الشجن مالهاش حل .......
على فكرة انت كده هاتخليني اغير رأيي و اسمع جورج وسوف
على رأي الأميرة ، برضووو ،،، أنا سمعت الكلمات من الفاجومي ، قد إيه رااائعة ، وجميـلة ، أنا العصفور وليف الخضرة و الميـة ....
شكرًا لك يا وليد ...
والله يسامحه جورج ع اللي بيعمله !! بصوته الـ(فريد)!! :)ا
مش فاهم الله يسامحه ازاي يا هيمة
بعد اذن سيادتك لو حاجة وحشة فانا مسمحش تقول حاجة وحشة على جورج ف بيت.. احم .. ف مدونتي
جميلة جداً مدونتك
وشكلك من عشاق سلطان الطرب
جورج وسوف
وأنا حدعيك لشبكة ومنتدى سلطان الطرب جورج وسوف
تكون معنا فيها في صرح من صروح الوسوف
www.geooreg.com/vb
تحية
Post a Comment